Magnesitas Navarra, Miguel Indurain Fundazioaren babesle berria
Miguel Ángel Pozueta FMIFeko Batzorde Betearazleko presidenteak eta Javier Creixell Magnesitas Navarras-ko ezuzendari nagusiak gaur sinatu dute babesletza akordioa. Gauzak horrela, egoitza Zubirin duen enpresak Nafarroako kirolari lagunduko dio, Kirolaren Gailurrerainoko Ibilbideak izeneko jarduketa ildoen bidez, Foru Gobernuaren menpeko entitateak sustatua. Horrenbestez, Magnesitas Navarras Nafarroako FMIFeko babesle nagusien taldean sartu da. Nafarroan kirola sustatu, lagundu eta hobetzeko helburua dute. “Eskerrak eman nahi dizkizegu Magnesitas Navarras enpresak gure jarduerari eman dion laguntza sendoagatik. Beti da ona indarrak batzea eta are gehiago kirol babesletzarako hain une zailean. Urrunago iristen lagunduko digu”, zioen Miguel Indurain ohorezko lehendakariak.
Magnesitas Navarras enpresak, gizartearekin eta bere ingurunearekin konprometituta dagoen eta Enpresaren Erantzukizun Sozialeko politika sendoa egiten duen enpresak, harrobiaren kirola eta haren balioak sustatzeko apustua egiten jarraitzen du. Halaber, Ibararte kirol-kluba, Erro – Esteribar karrobi kluba, boleiboleko eta areto-futboleko kirol-eskolak kudeatzen dituena, eta Pilotazale Esteribar kirol-kluba, Pilota Eskola kudeatzen duena, babesten ditu. “Miguel Indurain Fundazioko taldekide izatea da enpresak balioak transmititzeko tresna gisa Nafarroako kirola sustatzeko egiten duen ahalegin guztiaren erakusle”, azaldu zuen Javier Creixellek, Magnesitas Navarras enpresako zuzendari nagusiak.
Ekarpen ekonomikoari esker, Miguel Indurain Fundazioak hobekuntzak egin ahal izango ditu errendimendu handiko kirolari laguntzeko, berdintasunaren aldeko lana egiteko, kirol egokitua bultzatzeko, bertakoa, kirolean eta balioetan hainbat eragile prestatzeko Nafarroako Kirolaren Eskolaren bidez, Nafarroako gizarteari buruzko ekitaldiak antolatzeko, etab.
Hala, bi erakundeak kirolaren aldeko 2021 honetan lan egiten hasi dira, ongizatean eta osasunean oinarritutako balioak transmititzeko tresna gisa, 2030 agendako hirugarren balioarekin bat etorriz.
Miguel Induráin Fundazioak eskerrak eman nahi ditu Magnesitas Navarrasek Nafarroako Gobernuaren erakunde publiko honek mundu mailako arrakastaren eta balioen erreferente gisa gure Erkidegoko kirolarien alde egunero garatzen duen konpromisoan eta jardueran emandako laguntza eta konfiantzagatik.