Miguel Induráin Fundazioa eta IMQ Navarra elkartuta kirol lesioen prebentzioan eta tratamenduan

Gaur goizean, Miguel Indurain Fundazioko betearazle batzordeko presidente Miguel Angel Pozuetak eta IMQ Navarrako zuzendari nagusi Jose Mª Bariainek sinatutako akordioari esker, gure kirolariek aseguru esklusibo bat izaten jarraituko dute. San Miguel Klinikan izandako Hitzarmenaren sinaduran Miren Bartolomé, Nico Quijera eta Manu Quijera atletek parte hartu dute ere bai. Modu honetan, bi entitateak elkarlanean mantentzen dira lesioak prebenitzeko eta tratatzeko Nafarroako goi mailako kirolean.

“Oso hitzarmen garrantzitsua da guretzat, goi-mailako asegurua oso baldintza onuragarrietan eta gure kirolarien neurrira egindako prestazioekin eskaintzeko aukera ematen digulako”, adierazi du Miguel Ángel Pozuetak.

Bariainen hitzetan “babes-berritze honek gure erakundeen arteko lotura indartzen du, eta elkar indartzen gaitu”. Modu honetan, kirolaren bidez osasuna eta bizimodu osasungarriak sustatzeko konpromisoa sendotzen du IMQ Nafarroak. Herritar guztientzako erreferente bikaina da bai nafar kirolean, bai gure gizartean orokorrean.

www.youtube.com/watch?v=xuiA0YnCzw4&feature=youtu.be

ASEGURUA

Fundazioko goi mailako kirolariei zuzendutako aseguru honek egokituko da bakoitzaren diziplina eta beharretara kirol-istripuagatik eta kirol-lesioagatik behar den arreta bermatzen. Gainera, San Miguel Klinikan eskaintzen den eliteko kirol-azterketa bat ere badu:

• Kontsulta mediku kardiologoarekin, kirol-medikuntzako espezialistarekin (anamnesia, miaketa fisikoa, balorazio antropometrikoa, gorputz-osaera…).
• Odol-analisia.
• Elektrokardiograma.
• Ekokardiograma.
• Esfortzu-proba oxigeno-kontsumoarekin (ergoespirometria).
• Endokrinoak egindako nutrizio balorazioa.
• Oinkadaren azterketa.

“IMQ Navarrak oso prozesu azkarra eta erosoa eskaintzen digu. Posta elektroniko bidez jartzen gara harremanetan profesionalekin, eta, berehala, hitzordua ematen digute espezialistek gu tratatzeko.”, azaldu du Miren Bartolomé atletak. Bere partez, Nico Quijera erakartzen duen segurtasuna eta lasaitasuna azpimarratu nahi izan du: “Jakitea min txiki bat edo lesio larri bat izan badezakegu, egun gutxiren buruan probak eta diagnostikoa egiteko laguntza dugula, funtsezkoa da gure kirol-mailan”. Sentsu honetan, Manu Quijerak azkartasuna ere primeran baloratzen zuen: “Haien azkartasunak epe laburragoak erakartzen dizkigu lesioa gainditzeko plangintza hasteari begira”.

Kontratatzeko, interesdunek FMIFren laguntza-programetakoren batekoa izan behar dute (emaitzen araberako bekak, gazte talentuak, Nafarroako kirol-federazio batekin egindako hitzarmena…) azken hiru urteetan, eta aktiboa jarraitu behar dute haien diziplinan.

Horrela, bi erakundeek gure kirolarien osasuna zaintzeko konpromisoa berritu dute, kalitateko osasun-laguntza arina bermatzeko eta Nahitaezko Kirol Aseguruak estaltzen ez dituen kasuetara iristeko.

OSASUN LAGUNTZAKO ERREFERENTEA

1944an sortu zenetik, IMQ Navarra osasun-aseguruen konpainia gisa finkatu da, Nafarroan osasun-laguntzan liderra, eta gaur egun 50.000 aseguratu baino gehiago ditu. San Miguel Klinika erreferentzia da Iruñean eta Tuteran, eta Nafarroako IMQ aseguruak Espainiako osasun sare pribatu handienera sartzeko aukera ematen du. Koadro mediko hori 50.000 osasun-profesionalek eta 1.100 zentro itunduk osatzen dute.

Miguel Induráin Fundazioak eskerrak eman nahi dizkie IMQ Taldeari eta bere langileei, bai kiroleko lesioen arretan eta prebentzioan, bai gure gizarteko osasunaren zainketan hartutako konpromiso eta ahaleginagatik.