Txapeldunen gaitasunak

Ezgaitasuna edo dibertsitate funtzionala duten pertsonek etiketak hausten jarraitzen dute benetako gizarteratzea lortzeko eta kirola da haien gaitasunak gehien erakusten dituen arloetako bat. Izan ere, esparru honetan, funtsezkoa agerian jartzen delako: gure txapeldunen ahaleginaren emaitza. Hala, Rubén Pascual atleta nafarrak egin duen moduan (urrezko bi domina eta brontzezko bat pista estaliko Europako Txapelketan), gure kirolarien mundu mailako arrakastei esker, gure gizartera beren gaitasun handiak ez ezik, hainbat balore gehiago eramaten dute: ahaleginaren kultura, hobetzeko grina edo bikaintasunerako lana, besteak beste.

Miguel Induráin Fundazioan, 1998. urtean hasi ginenetik, txapeldun horiei laguntzen diegu. Eskaintzen ditugun harri-koskorren bidez lagundu nahi diegu bai kirol federatuan beheragoko kategorietan hasten diren pertsonei, bai elitera iristen direnei, hala nola Joko Paraolinpikoak. Hain zuzen ere, emaitzen araberako gure beka-programak diru-laguntza bera ematen dio kirolari olinpiko eta paralinpiko bati, eta, gainera, Kirol Egokituen Nafarroako Federazioaren esperientzian oinarritzen gara diziplina anitzetan laguntzeko. Lankidetza-hitzarmen honi esker, bekak lortzen dira emaitzengatik.

Horregatik, joan den asteburuan Rubenek lortutako emaitza garrantzitsuak, Edu Santas-ek pistako txirrindularitzan lortutakoak, Ivan Salguero eta Adur Mendivil igerilarienak edo Nafarroako ordezkaritzak zelaiko atletismo txapelketan irabazita ikusita, eguneroko lana eskertzea komeni da. ESKER AUNITZ! ZUEKIN BAT!

#taldekideakgara